قلوب حائره في مهب الريح الجزء الثالث

و بعد فتره طويلة دامت عشر سنوات, زيد يصبح من تجار

المجوهرات المعروفين، وبدا أجمل من ذي قبل وبدت عليه

علامات الكبر، من شيب خفيف في الوجه، وأصبح محط
إعجاب الكثيرين من كل الأعمار.




وفي أحد الأيام وهو منشغل بتسعير أحد البضائع الجديدة ,

يسمع بوجود مشكله بين أحد بياعين المعرض و زبونه،

ويخرج زيد لحل هذا الأشكال، وبعد خروجه يتفاجأ بأن

الزبونة خلود، ويطلب من البياع أعطائها ما تريد، ويدخل إلى

المكتب ثانية، وترفض خلود شراء الأغراض بحجة الزعل.




وبعد بضعة أيام تحاول خلود الاتصال بزيد في المكتب، ويرد

عليها أحد الموظفين ويبلغها بأنه غير موجود، وسوفه يكون

متواجد في الفترة المسائية، وبالفعل تعاود خلود الاتصال بزيد

مره أخرى، وبعد أن رد علي التلفون، خلود تقفل الخط


وتتصل خلود بلطيفه، وتبلغها بما حصل بالفترة السابقة،

وكيف التقت بزيد..

خلود : الوووو ،لطوف قولي من شفت قبل جم يوم؟

لطيفه : منو ؟

خلود : زيد!!!

لطيفه : زيد !!! أي زيد؟؟

خلود : زيد إلي عرفتيني عليه بدبي، رفيج حمود ،نسيتي؟؟

لطيفه : أي ، يحليله ،عاد صج أنه خوش واحد , بس ضيعتيه

من أيدك يالهبله !!

خلود : سمعي السالفة ،اليوم كنت بمحل مجوهرات ،إلي

وديتيني له، تذكرينه؟؟

لطيفه : أي ،إلي بالزاوية؟

خلود : والله وكيلك ،أنا نجره مع البياع الهندي , مو راضي

ينزل ،ولا زيد !! طالع من داخل، يبي يحل الإشكال ،بيني
وبين البياع , انصدمت لما شفته!!

لطيفه :وبعدين شصار, كلمك !!؟؟

خلود : لا، لما شافني أنصدم ، نادى البياع داخل، ولما طلع

قالي أوكي مدام، صاحب المحل وافق على الخصم.

لطيفه : وبعدين ؟

خلود : طلعت و ماشريت شي !

لطيفه : مالت , وليش ما كلمتيه، ياحظي !!

خلود : انصدمت لما شفته , شتبيني أسوي !!

لطيفه : عاد أهو أردي منك , انزين جان كلمتيه بالتلفون؟

خلود : دقيت ، لما كلمني، استحيت وسكرته.

لطيفه : ويييي ، ماعندك سالفه، جان كلمتيه ، تري الولد ما

يتطوف، بس انتي إلي هبله .

خلود : يلا عاد ،أحترمي نفسك .

لطيفه : روحي دقي عليه يالمينونه !!
خلود : تهقين ما راح يزفني؟

لطيفه : يعني شيبي يقولك , اقل ما فيها يبي يقولك انه مشغول

, ساعتها فهميها ولا تدقين.

خلود : تهقين؟

لطيفه : ووي ولي عافيك، ماعندك سالفه , روحي دقي عليه ,

وعن الخبال.

خلود : ماشي عمتي .





وبالفعل تتصل خلود بزيد ،أكثر من مره ،ولم تجده ،وأبلغها

الموظف ،بأنه سافر إلى أحد معارض المجوهرات، وأنه

سوف يرجع بعد أسبوعين، وبالفعل تتابع خلود تحركات زيد،

حتى تتأكد بوجوده بالمعرض في ذلك اليوم.


خلود تكلم البياع : أكلم الأخ زيد ؟

البياع : نألو مين يافندم؟

خلود : قوله زبونه تبي تستفسر.

البياع : حاضر يافندم.

زيد : ألوووو

خلود : مساء الخير

زيد : ياهلا

خلود : شلونك زيد؟

زيد : تمام، منو معاي؟

خلود : ماعرفتني؟

زيد : لا والله ، منو ؟

خلود : وحده !!

زيد : من فضلك ترى أنا مو راعي هالأمور ، بتقولين منو

أنتي، ولا بسكر التلفون !!
خلود : لاصج ، أنا معرفه قديمه ، و أنت تعرفني زين , بس

حاول تذكر !

زيد : والله آسف ، مضطر أسكر الخط.

وتقاطعه خلود : لحظه زيد، آنا خلود ، معقولة ماذكرتني؟؟!!

زيد : أي خلود؟!!!

خلود : خلود ، إلي تعرفنا على بعض بدبي، نسيتني؟!!

زيد : خلود !! أي عرفتك ، تامريني بشي؟؟

خلود : لا ، بس حبيت أسلم عليك، واشوف أخبارك؟

زيد : ما اعتقد أن أخباري تهمك بعد عشر سنين، أسمحيلي أنا

مشغول ، باي ألحين .



ويسكر زيد التلفون بدون سابق إنذار، وتحاول خلود الاتصال

به ، ولكن دون جدوى , وتحاول معرفة السبب, مع العلم بأن
زيد ما زال أعزب، ولم يتزوج .

تمت