قلوب حائره في مهب الريح الجزء الثاني

خلود : زيد ، أنا ودي أقولك شي، كنت خاشته عنك !!

زيد : شنو إلي ماعرفه عنك ؟

خلود : زيد ، أنت تدري أني كنت متزوجه؟!

زيد : صج !!!

خلود : أي ، بس ماصار نصيب ، وانفصلنا .

صمت

خلود : شفيك ساكت ، تضايقت ؟

زيد : لا ، بالعكس ، بس ما توقعت انك ......

خلود : اني مطلقه ، قولها لا تستحي ، أنا تعودت على

هالحجوه ، تصدق ، كل ربعي ما فيهم خير.

زيد : ليش ؟

خلود : يوم تطلقت ، الكل تخلي عني ، تصدق خايفين على

ريايلهم مني ، واعذرني بهالكلمه ، ولي ريايلهم رايحين فيها ،

أمنعوا حريمهم عني ، مجتمع أزباله وأنت بكرامه !!

زيد :لا ، الدنيا لما الحين بخير، وشنو يعني مطلقه ، مو

معناتها ان حياتك انتهت ، أنتي حياتك لما الحين ما ابتدت !

خلود : زيد ، هذا واقع مجتمعنا ، وعمره ما راح يتغير!

زيد : طول ما في حب بين أثنين ، طول ما في تغير بهالزمان !

خلود : شتقصد ؟؟؟؟؟؟؟؟

زيد : اليوم كنت ناوي اقولك كلمه ، كانت بالي من زمان !!

خلود : شنو ، تراك شفيتني ؟

زيد : خلود ، أنا أحبك !! واتمنى تكونين شريكة حياتي !!

صمت

زيد : ألوووووووووووو

خلود : نعم

زيد : وين رحتي ، ألي ماخذ عقلك ، يتهنابو !!

خلود : زيد ، ممكن أمشي ؟

زيد : ليش ، اشصار؟ زعلتك بشيء ؟

خلود : مو صاير شي ، بس شوي تعبانه !!

زيد : سلامتك

خلود : الله يسلمك ، تصبح علي خير.

زيد : وانتي من أهل الخير.



وتنقطع خلود انقطاع طويل دام أربعة شهور، حتي جن جنون

زيد ، وبات يفكر بها ليل و نهار ، ولا يعرف كيفية الوصول

لها ، ويحاول عن طريق حمود ، ولكنه قطع علاقته بلطيفه
هو الأخر بعد السفر مباشرة ، حيث انه متزوج ، والمتزوج

في بلادنا ليس له أي مغامرات عاطفيه داخل البلد , حتي

تتصل خلود بزيد ، وتكون متغيره تغير شديد ، وليست خلود

التي تعرف عليها زيد منذ الأربعة شهور الماضية ، وكانت

باردة الطباع !!


زيد يرد على التلفون بلهفه : أنتي وينك ، فيك شي ؟

خلود : لا ، ما فيني إلا العافية !!

زيد : عيل وينك طول هالمدة ، شغلتي بالي عليك !

خلود وبرود : كنت مشغولة أشوي !

زيد : طيب وليش ما تردين علي تلفوناتي ومسجاتي ؟

خلود : قلتك مشغولة!

زيد : خلود ، منتي ملاحظه ، أنك متغيره ؟!

خلود : لا ، بالعكس عادي

زيد : خلود ، إذا في أحد بحياتك ، وتبيني أنسحب ، قوليلي!!

صمت

زيد : الووووووو

خلود : أسمعك ، زيد ، أحنا لازم نترك بعض !!

زيد : ليش ، شصاير ؟

خلود : ولا شي .

زيد : خلود ، أنتي وايد متغيره ، أكيد في أحد بحياتك !!

خلود : قلت لك مافي أحد بحياتي !

زيد : عيل شفيك ، لا تيننيني !!

خلود : زيد ، شنو نهاية علاقتنا ؟

زيد : خلود ، أنا أحبك ، وأبي أتزوجك ، تبيني باجر أخطبك

عشان تصدقيني ؟

خلود : زيد ، أنا مصدقتك بس ..............

زيد : بس شنو ، لا تعقديني !!
خلود : أنا سألت عنكم ، طلعتوا ...............

زيد: شطلعنا!!!!!!!!!!!!!

صمت

زيد : الووووووووو

خلود : طلعتو مو من مواخيذنا ؟!

زيد : مافهمت ، شتقصدين؟!!

خلود : اشلون أشرحلك اياها !!

زيد : أي ، بس أنا مافهمت قصدك ؟!!

خلود : يعني طلعتو مو أصيلين !!

زيد : ومن قالك ، أحنا عدنا أفلوس ، كثر شعر راسك !!

خلود : الاصل ، ماله دخل بالفلوس

زيد : لا اكيد انتي غلطانه ، واعتقد سالفت الاصل ، ما تغير

شي بالموضوع ، شنو ، احنا حصن !! اصيل ومو اصيل ،

بعد كلنا كويتين .
خلود : والله مادري شقولك ، بس هذي عاداتنا وتقاليدنا ،

مانقدر انغيرها !!

زيد : أذا اشتهيتي تغيرينها ، تقدرين تغيرينها ، بس الواضح

انك مو مشتهيه !!!


خلود : انا ما انكر أني حبيتك ، وانت خوش ريال ، بس

بصراحة مابي أتعلق فيك ، وبالنهاية أتصير مو لي ، ماودي

أتعذب .

زيد : والله محد راح يتعذب كثري ، والواضح ان الموضوع

مو هامك !!


خلود : حرام عليك ، انا ميته ، بس شسوي، تبي اهلي

يذبحوني ؟!


زيد : اذبحوني قبلك !!

خلود : اسمالله عليك .

زيد : خلود ، خلينا انحاول .


خلود : شنحاول ، انا ماودي انك تسمع كلام مايسرك ،

ارجوك تفهمني !!

زيد : وشنو المطلوب مني ؟

خلود : ان نترك بعض !!


زيد : بهالسهولة ، على الاقل ، خلينا نظل ربع !

خلود : يابعد قلبي ، والله صعبه ، قدر موقفي!

زيد : الشرها مو عليك ، الشرها على انا ، وعلى الوقت إلي

ضيعته معاك ، صج انك ما تستاهلين !!


ويسكر الخط بكل عصبيه ، وتحاول خلود الاتصال بزيد،

ولكن دون أجابه من زيد ، وترسل خلود رسالة مفادها ، ( هذا

السنع إلي كنت أكلمك عنه ، ولد الأصل ، ما يحقر بنات

الناس ) ويرد عليها زيد، ( وبنات الأصل ما يلعبون بقلوب

خلق الله).



وبعد تلك الحادثة ، تغير حال زيد ، وبدا منعزل تماما عن

العالم الخارجي ، حتى دخلت عليه أم زيد في احد الأيام ،

تسأل عن حاله ، فأخبرها عن الموضوع ، فأجابت : ( قولي

من بنته وأنا اشتريها لك مشترى ، وإذا مليتها ، أيبلك

غيرها) ، ويرد زيد : البنت راحت بحال سبيلها ، والله يوفقها

، ويعوضني بلي أحسن منها .