الخميس، مارس 15، 2007

القرار الجزء الثاني


وفي أحد الأيام، رهام كانت مع ضاري بسيارته، يقف بجانبهم حمد بالصدفة عند إشارة
المرور، ويلتفت حمد شماله يجد زوجته مع واحد غريب، وتقع عينه بعينها، ويقطعون
الإشارة الضوئية، ويلحق بهم حمد وبعد مراوغة شديدة يستطيعون الفرار، وكان حمد
يحاول أن يتصل بها على جهازها الخلوي، ولكنها لا تجيب، وذهب للبيت ينتظرها....





وتلاحظ رهام بأن ضاري تغير معها تغير مفاجئ بعد تلك الحادثة، وبدا خائف من
المشاكل التي سوفه تواجه مع زوج رهام، وخاصة بأنه صديق الدراسة، ويوصلها إلى
سيارتها ويتركها، ولاحظت بأنه لن يقف معها وتخلا عنها، وكانت علاقتها معه
مجرد نزوة عابره، وكانت الصدمة الكبرى لها، وعليها أن تواجه الموقف لوحدها.
وتذهب لأحد
صديقاتها وتغير ملابسها، وتطلب المشورة من صديقتها، التي طلبت منها الإنكار وعدم
الإفصاح بشيء، وهي التي طلبت منها تغير ملابسها وأعطتها الملابس.



وترجع رهام إلى البيت، و كاهليها مثقل من هول المشكلة التي سببتها لنفسها، وعليها
دفع ثمنها لوحدها، كما حست بأن الشخص الذي خانت زوجها على شانه لا يستحق كل
هذه المغامرة، التي لا يحمد عقباها، وترجع بيتها وتحاول أن تتمالك أعصابها
.


حمد : أنتي من كنتي معاه ؟

رهام : كنت في بيت شروق، ليش؟

ويرفع حمد يده ويضرب رهام بوحشيه، وتأتي أم حمد وأهله حتى يسقط حمد على
الأرض مغشيا عليه، وينقل إلى المستشفي، ويتجمع كل الأطباء عليه، وفي تلك الأثناء
تحاول رهام الاتصال بضاري، ولكن لا يجيب، وقفل جهازه الخلوي، وشغل خط البيت،
مما أكد لرهام بان ضاري كان يستغلها لرغباته وشهواته فقط، وتتصل أم حمد برهام
لكي تحضر للمستشفي، وتذهب

رهام إلى المستشفى، وبعد وصولها تلتقي أم حمد.



رهام : ها خالتي، شلون حمد؟
أم حمد : يمى رهام، شنو المشكلة بينك وبين حمد؟
رهام : لا، ماكو شي !!
أم حمد : شلون ماكو شي!! يمي، صارحيني؟
رهام : والله ماكو شي!
ام حمد : ماكو شي!! رهام، حمد أنشل، وتقولين ماكو شي !!
رهام تصرخ بصوت عالي : لا، لا تقولين جذي، خالتي حمد بصير زين..


وتركض لغرفة العناية المركزة بدون شعور، ويخرجونها من الغرفة، حيث أن حمد حالته
سيئة للغاية، وكانت رهام ملاصقه له طوال فتره مكوثه بالمستشفي، حتى استقرت
حالته وخرج من المستشفي، ويبدأ مسلسل تأنيب الضمير، حيث أدى ذلك الحادث إلى
تدهور حياة حمد، حيث أنه أصبح مقعد، ولا يتكلم من هول الفاجعة التي ألمت به،
وتغيرت رهام تغير شديد، حيث أنها استقالت من العمل، وتفرغت لرعاية زوجها المقعد
وأبنهما بدر، وفي أحد المرات بعد مرور سنه على تلك الحادثة، رهام تسأل حمد
..
رهام : حمد، أبي أطلبك طلب، أذا لما الحين لي عندك خاطر
..
ينضر لها حمد بشغف

رهام : حمد، سامحني، مابي شي من الدنيا، الا رضاك

حمد يلتفت للجهة المقابلة، ويصد عن رهام
.
رهام : حمد، ولي سلم عمرك، لا تصد عني، والله تعذبت
!
حمد ينطق للمرة الأولى بعد الحادثة : وأنا إلى صار فيني، من فعايلك شويه
!!
رهام : حمد، الله اخليك خلاص، انسي إلى فات، خلنا نبدأ صفحه يديده
!
حمد : صفحه يديده!! أنا كتابك بكبره سكرته، ولا أبي أتصفح فيه
!!
رهام : حمد، لهدرجه كرهتني؟ أنا رهام حبيبتك، لا يمكن راح تنساني
.
حمد : كا، أنتي نسيتيني! ونسيتي ولدج! وخنتيني، ومع منو، مع واحد من ربعي! آخ
لو طوله أيدي، جان قطعته وغسلت فضيحتي، بس آخ ما طالت أيدي.
رهام : حمد، لا تعب نفسك، علشان خاطري
.
حمد : وايد مشيت على خاطرك، حياتي ما تمتعت فيها عشان خاطرك، اكرف ليل نهار
عشان أنتي تستأنسين وتأخذين شقاي، ومو بالعين شي، وكلا مو عاجبك!!
رهام تصرخ : حمد، أرجوك يكفي
!!
حمد : يكفي، أنتي تحسين مثلنا، ما أعتقد
!!
وتنهار رهام من البكاء، وتنزل تقبل رجلين حمد، ويشدها حمد من شعرها
!!
حمد : رهام، أنتي طالق، طالق، طالق، وأبيك تطلعين من هالبيت إلي نجستيه بفعايلك،
وخذي ولدك، إلي مادري أهو مني ولا من غيري!!
تصرخ رهام بصوت عالي، وتتوسل حمد بأنه يسامحها، ويطردها حمد من البيت هي
وأبنها بدر، ولا يريد شيء يذكرها فيها، ويحاولون الأهل بالتدخل في ذلك القرار، ولكن
دون جدوي
.

تمت

24 Comments:

Blogger GLAMOROUS said...

9ara7a wayed 8i9a Mo2athira, i liked it..

TisTaHiiL RiHam iLy 9ar, she's married !!

Keep it up :)

4:57 م  
Blogger ReLaaaX said...

وبدر مسيجين؟



ماعندي تعليق صراحه

4:11 ص  
Blogger Breeze said...

زين يسوي فيها !!!!! قلعتها !!!

اللي يلعب على الحبلين يخسر أقرب أحبابه .. و أتمنى هالقصة تكون عبرة لكل من لهث وراء نزواته ناسياً أولويات هو ملزم فيها !!!؟

أشكر لك حرصك على نقل مثل هذه القصص ..

دمت و دامت كتاباتك :)

1:29 م  
Blogger غريب said...

glamorous
مشكوره علي الزياره الأولي ولا تقاطعين

relaaax
بدر راح ضحية أمه وبالنسبه للتعليق ما تنلامين صديقتي هم انا مادري شقول أسره كانت سعيده تفككت وراح ضحيتها الأبو والولد


breeze
قلبك جامد يتراوالي انتي أحن من جذي لا تصيرين انتي والزمن عليها اذا رب العالمين يغفر أحنا يابني البشر ما ممكن نغفر ياريت لو تراجعين حساباتك لو دقايق كان بكون هذا ردك

مع تحياتي
غريب

5:49 م  
Blogger Q8ya said...

ما اقول الا الله يكون بعون ولدهم..!!!!


بس حمد عرف شلون ينتقم...!!!

3:36 م  
Blogger بنت الشامية said...

تصدق طول عمرى ما احب اقرا اى قصه او اشوف اى تمثيلية او فيلم فيه خيانة للزوجه وخصوصا اذا كان الزوج متفانى باسعادها

وبعد عندها ولد.......وايد صعب

ما ادرى ليش؟؟؟ يمكن تربينا على ان الرجل هو من يخون


بس طبعا مو كل الرجال......بس لو تكون هناك خيانه فهى من الرجل


زين سوى فيها حمد وهذا جزاها

بس الولد... ليش هو اللى يدفع ثمن

نزوت امه.........لازم حمد يغير موقفه من بدر


تسلم ادياتك على هالقصة

لعل من يستفيد منها ويبتعد عن الخيانه

11:58 م  
Blogger Mitsuki said...

loved it!

6:45 م  
Anonymous محمد بن سالم said...

للأسف الخيانه الزوجية انتشرت في

البلدان العربية بشكل مخيف..

الله يستر على الجميع والله يصبر حمد.

7:59 م  
Blogger غريب said...

بنت الشاميه
الرجل في بعض الحالات مسكين وأذا خان فبالنهايه يخون مع مرأه بالنهايه رجل ولا مرأه الخيانه نهايتها اللي قريناه
حياج الله بنت الشاميه وخليك متابعه

mitsuki
ميت أهلين


محمد بن سالم
حياك الله

10:01 م  
Anonymous غير معرف said...

لا حول ولا قوة الا بالله اكثرت قصص الخيانات الزوجيه هالايام مادري اشفيهم العالم صارت الخيانه شي عادي عندهم بس شنو السبب اللي خلاها تخونه؟ اذا كل شي معطيها ومو مقصر معاها وما اعتقد الجانب العاطفي كان خالي لانها تزوجته عن حب ويابت منه ولد يعني معقوله الوحده لما تكون بغربه تسوي هالشي؟ اوكي قلنا اغلطت معاه بس عاد ما تحس؟ لا تكررين هالشي يالثوله

اهيا اللي جنت على نفسها محد طقها على ايدها وقالها خوني ريلج وبعدين فوق شينها قوات عينها اشلون اقدرت تطلب منه السماح والله انا لو مكانها لا سمح الله لو اموت ما اقدر اجابله

مشكور اخوي غريب قصه ممتعه وتحر بنفس الوقت

معاك ام سالم.

12:58 ص  
Blogger غريب said...

أم سالم
مشكوره علي المشاركه بس حمد ما كان بارع بأخراج عواطفه للبنت كان بارد الطباع والثاني دخل عليها من هالمنطلق
أرجو أن الفكره وصلت
حياج الله

12:32 م  
Blogger ReD Lady™ said...

زين يسوي فيها .. بس عور قلبي المسكين لانه اهو وولده اللي كلوها .. واهي تستاهل اكثر من جذي لانها باعت ريلها علشان انسان كان يلعب عليها ..

اشكرك على القصه الرائعه صج صج روعه

6:20 م  
Blogger غريب said...

ردليدي
حياج الله وهذي الساعه المباركه

12:33 ص  
Blogger ana_sokkarah said...

زيييييين يسوي بجتني حسبي الله عليها أمبيه بنات يتمنون ريال جذيه مثله يحبني بإخلاص ويتعب عشاني وهذي شتبي نكرت كل شي وخانته وااي صج عورني قلبي بس الشرهه مو عليها على الحلو الثاني إللي خان صداقته بسبة أشياء تافهه يقدر يحصلها من غيرها واهي اللي صار فيها كلّه من سبب الزواج المبكر الأخت ماعاشت مراهقتها عدل وكتمتها بحبها الخارجي لحمد يعني حبها له مجرد قشرة وشالتها يوم شافت اللي مايتسمى ضاري تولعت فيه

يختك الحب شي ماينوصف وهذول مو كفو رياييل من نوعية حمد

تحياتي لك عزيزي وتسلم الأيادي إللي كتبت والعقل إللي فكر

11:15 ص  
Blogger غريب said...

ana_sokkarah
الله اسلمك عزيزتي

10:03 م  
Blogger not-eze said...

يكسر الخاطر حمد ما يستاهل اللي صار فيه
ورهام غلطة وخذت جزاها واكثر بس ولدهم مسكين

وتسلم ايديك غريب

10:22 م  
Blogger غريب said...

not-eze
مشكوره علي الزياره

11:52 م  
Blogger Aldenya said...

تصرف سليم وان كان هناك حسرة على الولد اللى ماله ذنب نهائيا

في جملة بالحوار معناها قوي


رهام : حمد، الله اخليك خلاص، انسي إلى فات، خلنا نبدأ صفحه يديده
!
حمد : صفحه يديده!! أنا كتابك بكبره سكرته، ولا أبي أتصفح فيه



شكرا غريب على اختيار القصة ذات المعنى الكبير

5:53 ص  
Blogger غريب said...

alednya
مشكوره علي الزياره

5:19 م  
Blogger Q80-Chill Girl said...

أزال المؤلف هذا التعليق.

5:16 م  
Blogger Q80-Chill Girl said...

سؤال يحيرني

شلون لهم قلب يقدر على الازدواجيه بالحب؟ يقصون على منو؟ شلون تحب اثنين؟

اللي يقول انه يحب اثنين هذا/هذي يحبون نفسهم ويدورون متعتهم باي شكل

اغمتت قلبي هالقصه بس عجبتني

و تيرة الاحداث جيده، ردة فعل حمد بردت جبدي بس كسر خاطري انه اهو اللي كلاها

5:17 م  
Blogger 5roofa said...

waay el walad 7aram oho shthamba o ehe gal3ataa ehe l3abat bel naaar o ma tabe te7tereg a9abe3ha
:s bs leesh ma 5ala el walad 3enda
bss wayeeed 7elwaa el story :D

7:39 ص  
Blogger غريب said...

5roofa
عشان جذي اسمها القرار
مشكوره

2:02 م  
Blogger will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

8:00 م  

إرسال تعليق

<< Home